Gwamnan babban bankin Najeriya CBN Godwin Emefiele ya ce wasu ‘yan Najeriy na amfani da dala wajen karbar cin hanci.

Da ya ke zantawa da manema labaru, Emefiele ya ce in an zo kawo cin hanci ga wasu su kan zabi a canja kudin daga Naira zuwa Dala don kudin su zama kadan a aljihun su dadin boyewa.

Kazalika gwamnan ya zargi ‘yan canji da sayarwa wasu miyagun iri Dala su fice da ita don sayo makamai su dawo su cutar da ‘yan kasa.

Emefiele ya ce duk mai bukatar kudin ketare ya tinkari bankin sa ya ba shi kuma ko da abun da ya ke nema ya wuce ka’idar da a ka gindaya, za a tuntube su don sama ma sa kudin ya yi kasuwancin sa.

Godwin Emefiele wanda ya fara aiki tun zamanin tsohon shugaba Jonathan, ya samu dama shugaba Buhari ya sabunta ma sa wa’adi da hakan ya kawo martani da mamaki daga wadanda su ke zaton ba za a sabunta ma sa wa’adin ba.

Share this...

Facebook

email