‘Yan kasuwar arewa a yankin kudu maso gabashin Najeriya sun ce za su yi biris da dokar da kungiyar ‘yan awaren Biyafara ta IPOB ta aiyana ta hana fita a dukkan ranakun litinin na mako.
Kungiyar da gwamnatin Najeriya ta haramta ta umurci mutane kar su fito a duk ranakun litinin har sai gwamnatin Najeria ta sako shugaban su Nnamdi Kanu.
Shugaban ‘yan awaren dai da ke hannun jami’an tsaron DSS na fuskantar shari’ar cin amanar kasa a gaban kotun Binta Nyako ta babbar kotun Najeriya Abuja.
‘Yan kasuwar musamman na gwari sun ce ba za su zauna a gida kayan su, su rube ba, don haka za su fito kasuwa kamar yanda su ka saba.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀