Wata kungiyar yaki da cin hanci da rashawa HEDA a takaice ta dau matakin kai karar tsohon ministan shari’ar Najeriya Bello Adoke a gaban babbar kotun birnin Abuja don zargin ya yi ma ta kage.
HEDA ta ce Bello Adoke ya fitar da sanarwar cewa ta kirkiro shaidar zur a shaidar da ta bayar a gaban kotu a birnin Milan na Italiya kan shahararriyar badakalar nan ta sayar da rijiyar man fetur ta Malabu.
Kungiyar HEDA karkashin lauyan ta Kunle Adegoke na bukatar kotu ta tilasta Adoke ya janye sanarwar ya kuma biya ta diyyar Naira miliyan 100.
Har yanzu tsohon ministan na fuskantar shari’a kan badakalar sayar da rijiyar ta man fetur ta Malabu mai lamba 245.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀