Wata fashewar makamai a sansanin Palasdinawa a garin bakin teku na Tyre da ke Lebanon ta yi sanadiyyar samun raunuka ga gomman mutane.
An ba da labarin fashewar daga ma’adanar makamai ta Hamas ne da ke sansanin Burj Al-Shemali.
Kungiyoyin Palasdinawa na bangaren Hamas da Fatah na da sansanoni a yankin da hukumomin Lebanon ba sa shishshigi a ciki.
Wani alkali ya ba da umurnin a binciki sanadiyyar aukuwar akasin.
Wata majiya ta ce gobarar ta auku ne sanadiyyar ma’adanan iskar sheka ta taimakawa masu fama da cutar annobar korona.
Kungiyar Hamas dai a hukumance ba ta yi magana a kan wannan lamarin ba.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀
Hausa
Arabic
English
French