Kusan mako daya bayan fasa janye tallafin man fetur da gwamnatin Najeriya ta yi, gidajen mai a Abuja ba su dawo daidai ba.
Yayin da wasu gidajen man ke rufe wasu kuma na sayarwa amma da layuka na masu son shan man don firgicin kar ya yanke.
A gefen gidan man TOTAL na AREA 11 a kan ga matasa da jarakunan man su na sayar da man da tsada ga wadanda ba su da hakurin jiran dogon layi.
Hakanan wasu kan dau jarakuna su sa a mota don bayan sun cika tankin mota su cika jarakunan kuma ba lalle ba ne don amfanin janareta ba ne.
Ba mamaki mutane ma sun taimaka wajen samun cikas a gidajen man don yanda su kan bazama su taru a duk gidan man da ke da mai a lokaci daya alhali ba lalle ba ne an rasa man gaba daya ba.

Share this...

Facebook

email