• Sat. May 21st, 2022

Noblen tv

Gaskiya Jari…

DOGAYEN LAYUKAN FETUR SUN DAWO A BABBAN BIRNIN NAJERIYA ABUJA

ByNoblen

Mar 1, 2022

An wuni da dogayen layukan masu neman man fetur a babban birnin Najeriya Abuja inda maasu motoci ke yin layuka da kan kai ga datse tituna.
Duk gidajen man da ke tsakiyar birnin na cike da motoci inda masu sayar da man a jarka ke sayarwa kan farashi mai tsadar gaske.
Baya ga bayanan da a ka samu a kwanakin baya daga shugaban kamfanin fetur NNPC Mele Kolo Kyari cewa akwai wadataccen man, ba wani bayani na dalilin wannan karancin man.
Akwai ma rade-radin da ke nuna wasu gidajen man sun kara farsahin litar mai biyo bayan batun kara farashin man ta bayan gida.
Gidan man da mu ka ziyarta a AREA 3 na da dogon layi amma bai kara farashin ba da ya wuce sauyawa daga Naira 162 zuwa 165.
Tun janye batun karin farashin litar fetur a farkon watan nan a ke ta samun cikas wajen wadatar man, kazalika an samu matsalar kawo mai mai illa da ya haddasa samun matsala ga motoci.
Kamfanin NNPC ya baiyana cewa man na dauke da wani sinadari ne na “methanol” da ya wuce kimar da Najeriya ke amfani da shi.

Share this...
Share on Facebook
Facebook
Email this to someone
email
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀

Leave a Reply

Your email address will not be published.