Wani mazaunin yankin Dan-dauran a karamar hukumar Zurmi a jihar Zamfara Muhammad Dandauran, ya ce kalubalen tsaro ya sa da jakuna ko babura su kan daurawa garma wajen huda a gonakin su.
Muhammad Dan-dauran a zantawar sa da Muryar Amurka, ya ce kalubalen barayi da kan fake a dajin Zurmi ke zama mu su cikas wajen noma da kiwon shanu.
Mutumin karkarar ya ce matukar barayin su ka samu mutum a gona da shanu, za su kwace shanun don haka su kan yi amfani da hanyoyi na daban wajen huda.
Hakanan Dandauran ya ce barayin kan yi wa kauyen kofar rago su shiga har cikin gidaje su kwashe duk wasu kaya masu daraja in kuma tsautsayi ya ratsa a samu asarar rai.
Rahotanni na nuna yanzu an tura sojoji don kare yankin.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀