Kungiyar lauyoyin Najeriya ta gudanar da zanga-zangar mara baya ga kungiyar ma’aikatan shari’a da ke yajin aikin neman cin gashin kai.
Lauyoyin sun yi dafifi a majalisar dokokin Najeriya da nufin shiga don zaiyana korafin sashen shari’a amma jami’an tsaro sun rufe kofofi biyu na majalisar kirib.
Rahoto na nuna cewa akwai fargabar jami’an sashen zartarwa ta barin sashen shari’a ya samu ‘yanci don hakan barazana ce ga ‘yan siyasa da za su iya hukunta su cikin sauki in sun aikata laifi.
Tun 6 ga watan nan na Afrilu ma’aikatan shari’ar ke yajin aiki da hakan ya kassara zaman kotuna.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀
Hausa
Arabic
English
French