Gwamnatin Najeriya ta musanta bayanin gwamnan jihar Edo Godwin Obaseki da ya ce gwamnatin a watan maris ta buga kimanin naira biliyan 50-60 don cikata kudin kason wata ga jihohi.
Obaseki ya alakanta batun buga kudin ga karancin kudi da ke hannun gwamnatin taraiya da ya tilasta buga adadin da a ke bukata don rabawa jihohi.
Ministar kudi Zainab Ahmed ta zaiyana bayanin da cewa Obaseki ya yi karya ne kan wannan ikirarin.
Zainab da ta ke magana da manema labaru a fadar Aso Rock ta zaiyana kalaman Obaseki da cewa abun takaici ne.
Ministar ta ce an samu kudin da a ka raba ta hanyoyi daban-daban da a ke tara kudin shiga amma batun an buga kudi ba gaskiya ba ne.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀
Hausa
Arabic
English
French