Dan Majalisar Hon. Fatuhu Muhammad ya bayyana haka ne ranar Lahadi 28/11/2021 yayin da ya ziyarci kananan hukumomin da yake wakilta, Daura, Sandamu da Ma’iadua, don taya shugabannin jam’iyyar Apc na mazabarsa murna akan zabensu da akayi kwanakin baya, wanda akayi baya Najeriya sanadiyar aiki aikinsa na wakilci a majalisar wakilai ta Najeriya

Kamar yadda jaridar Mobile Media Crew ta ruwaito, a acikin bayanan daya gabatar a kananan hukumomin Daura, Maidua da Sandamu akan matsayarsa akan zaben ‘yar tinke cewa yayi ”Majalisar ta rabu biyu akan dokar, wasu naso, amma wasu basu so, nima ina cikin wadanda basuso, badon ina jin tsoron zaben ‘yar tinke ba, inda ma Dan majalisar ya bugi kirji yace” ko yanzu a hau layin zabe ba ya shakkar komai.

Dan Majalisar ya kara da cewa” zaben yar tinke yana bata zumunci, zaben ‘yar tinke yana kawo tashin hankali, sannan kuma duba da halin da kasarmu ta ke ciki, bamu da isassun Jami’an tsaron da zasu tsare ayi zaben ba tare da tashin hankali ba, kai hatta ita kanta hukumar zabe batada isassun Jami’ai da zasu gudanar da wannan zabe. Dadai sauran matsalolin da ka iya tasowa akan zaben.

Manyan ‘yan jama’iyar ta APC na kananan hukumomin sun sami halartar taron daga cikin su akwai Dan majalisar jaha mai wakiltar karamar hukumar Daura Hon. Nasir Yahaya Daura, Dan majalisar jaha mai wakiltar karamar hukumar Mai’adua Hon. Mustapha Rabe Musa Mai’adua, tsohon Dan majalisa mai wakiltar karamar hukumar Daura Hon. Shehu Ratiyos, Hon. Hamidan Na Allahu tsohon Shugaban rikon karamar hukumar Ma’iadua, Hon. Sani Ali Jar Kuka tsohon Shugaban rikon karamar hukumar Sandamu, Alh. Ali Haruna mai taimaka Dan Majalisar akan ayyukan mazaba. Dadai sauransu.

Share this...

Facebook

email