Biyo bayan sako dalibai 27 na kolejin aikin noma ta Afaka da ke Kaduna daga hannun barayin mutane, yanzu saura na jami’ar Greenfield su 16.
An sako daliban na Afaka ne bayan share fiye da wata daya a hannun jagoran barayin mutane na gefen yammacin titin Abuja zuwa Kaduna mai suna BODERI.
Majiya mai inganci ta nuna Boderi da kan sa ya zo ya mika daliban bayan ya karbi fansar Naira miliyan 15 da kuma sako ma sa daya daga mutanen sa da a ka kama.
Faruwar wannan ya sa hankali ya koma kan sako daliban jami’ar Greenfield su 16 daga inda a ke tsare su cikin barazanar hallaka su matukar ba a turo Naira miliyan 100 ba.
Tuni barayin su ka kashe daliban jami’ar 5 da sako daya daga daliban bayan biyan diyyar Naira miliyan 20.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀
Hausa
Arabic
English
French