Zuwa yanzu Najeriya ta samu nasarar yi wa kashi 57% a rukuni na farko na gudanar da rigakafin korona bairos.
Rigakafin ya shafi wasu mutane na musamman da jami’an lafiya da za su samu karfin kariya don cigaba da aikin rigakafin har ya kai ga matakin dukkan jama’a sun samu.
Hukumar lafiya matakin farko ta Najeriya karkashin Dr.Faisal Shu’aib ke fitar da alkaluman a duk lokacin da a ka cimma wata nasara.
Kimanin allurai miliyan hudu a ka kawo Najeriya na AstraZeneca da ke karkashin wani shiri mai taken COVAX da kan tallafawa kasashe masu tasowa don samun alluran ga jama’ar su.
Akwai wadanda su ka yi korafin samun zazzabi mai zafi bayan allurar inda har zuwa bayanin nasarar nan wasu ke cewa ba za su ba da kan su a yi mu su rigakafin ba don fargabar sakamakon.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀
Hausa
Arabic
English
French