Allah ya yi wa matashin soja manjo Auwal Danbabu Muhammed rasuwa a sanadin hatsarin mota a kan hanyar sa daga Gusau zuwa Kano.
Marigayin wanda dan jihar Gombe ya taso ne daga bakin aikin sa daga Zamfara don tafiya gidan sa a Kano daga nan ya zo Gombe murnar idin babbar sallah.
Manjo Muhammed ya rasu a motar da ya ke tukawa tare da matar sa da ‘yar sa mai kimanin shekara biyu.
Manjo Muhammed na daga jami’an soja da ke fafatawa da ‘yan bindiga a dazukan Zamfara.
Ya rasu ya bar mahaifin sa dan kasuwa a Gombe Alhaji Danbubu da sauran ‘yan uwa da su ka hada da Rabi’u Saleh na kamfanin Jewel Times da Imam Mukhtar Abba na babban masallacin Abuja.
Tuni a ka yi jana’izar marigayan a Gusau inda yanzu a ke karbar gaisuwar ta’aziyya a garin Gombe bayan gidan man mega.
KU KASANCE DA NOBLEN DON SAMUN INGANTATTUN LABARAI A KOWANE LOKACI😀😀😀