ABDULLAHI ADAMU YA AJIYE KUJERAR MAJALISAR DATTAWA

Sabon shugaban jam’iyyar APC mai mulki a taraiyar Najeriya a yanzu Abdullahi Adamu ya ajiye kujerar sa ta majalisar dattawa daga mazabar Nassarawa ta yamma.
A wasika ga shugaban majalisar dattawa Ahmed Lawan, sabon shugaban na APC ya ce biyo bayan zabar sa a matsayin shugaban APC a babban taron jam’iyyar ya sa shi daukar matakin na murabus.
Adamu ya godewa shugaban dattawan bisa yanayin shugabancin sa duk da cewa duk ‘yan jam’iyyar APC ne kuma sun yi aiki tare wajen yaki da tsohon shugaban majalisar dattawan Bukola Saraki.
Kazalika shi ma sabon mataimakin shugaban APC na arewacin Sanata Abubakar Kyari ya yi murabus daga majalisar dattawa.